Юртимизда давлат ва жамият қурилишида нодавлат нотижорат ташкилотларининг роли ҳамда ўрни кун сайин ошиб бормоқда.
Фуқаролик жамияти институтлари давлатнинг ижтимоий шериги сифатида аҳолини кенг қатламларининг ижтимоий ва иқтисодий фаоллигини қўллаб-қувватлашга, ислоҳотлар самарадорлигини таъминлашга, демократик ўзгаришлар жараёнига янада кенг жалб қилиш муҳим аҳамиятга эга.
Айниқса, аҳолининг кенг қатламларини моддий ва маънавий эҳтиёжларини қондириш ҳамда долзарб муаммоларни самарали бартараф этишда ННТ ва фуқаролик жамиятининг муносиб ўрни бор.
2023 йил 15 март куни Олий Мажлис ҳузуридаги Нодавлат нотижорат ташкилотларини (ННТ) ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссиясининг навбатдаги йиғилиши бўлиб ўтди. Йиғилишда 2023 йил учун тақдим этилган давлат буюртмаларини кўриб чиқилди ҳамда Олий Мажлис ҳузуридаги ННТ ва фуқаролик жамиятининг бошқа институтларини қўллаб-қувватлаш жамоат фондининг 2022 йил учун молия-ҳўжалик фаолиятини текшируви якунлари бўйича тафтиш комиссиясининг хулосаси эшитилди. Парламент комиссияси кун тартибидаги масалаларни ҳам кўриб чиқди ва тегишли қарорларни қабул қилди.
